በቃልህ እቀፈኝ

አንዳንዴ……..

    የሚወዱትን ሰው ንግግር ሲሰሙ

እንደ ጠዋት ጸሃይ……

ለሰስ ባለው እጇ ገላን ስትዳስስ

የቆፈንን እስር እንደምትበጣጥስ

እንደ እናት ፈገግታ

             ገና ከሩቅ ሲያዩት

የመከራን ድራሽ እንደሚያጠፉበት

እንደ አባት ምቹ ክንድ …….

ከህይወት ውጣ ውረድ እንደሚያመልጡበት

…………………አንዳንዴ

       የወደዱትን ሰው ንግግር ሲሰሙ

በፈርጣማ ክንድ ውስጥ ገብቶ እንደማረፍ

ከሰፊ ደረት ላይ ወድቆ እንደመንሳፈፍ

ምቾትን ይሰጣል ልክ እንደመታቀፍ፡፡

              አንዳንዴ……….

@           @          @

   Hold me

When ever you spoke to me

     When ever I hear your voice

I got courage to face the dark

    Your words are like a warm big hug.